Helsinki Komissiyası oktyabrın 26-da Gürcüstanda keçiriləcək parlament seçkiləri ilə bağlı bəyanat yayıb.
QafqazTürk Media xəbər verir ki, bəyanata görə, prezident Salome Zurabişvili müxalifət partiyaları və vətəndaş cəmiyyəti Gürcüstan xalqının həqiqi iradəsini əks etdirən seçki prosesinin yolunu müəyyənləşdirdiyi üçün ABŞ və Avropa İttifaqı onların yanında olmalıdır.
Bundan əlavə, bəyanatda bildirilir ki, “Gürcüstanda parlament seçkilərindən sonrakı günlərdə Gürcüstanın vətəndaş cəmiyyəti, siyasətçiləri və müşahidəçiləri seçkilərin nəticələrinin gürcü xalqının iradəsini əks etdirmədiyinə dair aydın sübutlar təqdim ediblər”.
“Üçüncü tərəflər və yerli müşahidəçilər tərəfindən toplanmış müstəqil məlumatlar həm seçkiqabağı, həm də seçki günü sistemli pozuntulara işarə edir ki, bu da seçkinin bütövlüyünə təsir göstərir.
Gürcüstan prezidenti Zurabişvili seçkilərin nəticələrinin saxta olduğunu açıq şəkildə bəyan edib və Rusiyanın seçkilərə müdaxilə etmək və Gürcüstanın dövlət institutlarını sarsıtmaq üçün mürəkkəb səylərini vurğulayıb.
Prezident Zurabişvili, müxalifət partiyaları və vətəndaş cəmiyyəti gürcü xalqının həqiqi iradəsini əks etdirən seçki prosesinin yolunu müəyyənləşdirdiyinə görə, ABŞ və Avropa İttifaqı onların yanında olmalı və gürcülərə öz demokratiyalarını qorumağa kömək etmək üçün mühüm addımlar atmalıdırlar”, – bəyanatda deyilir.
