Gürcüstan prezidenti Salome Zurabişvilinin sözlərinə görə, bu gün o, Avropa İttifaqının Gürcüstandakı səfiri Pavel Herçinski ilə görüşüb.
Salome Zurabişvilinin qeyd etdiyi kimi, səfir nizamnaməni və fəaliyyət planını bir daha dəstəklədiyini bildirib və həmçinin qeyd edib ki, “Gürcüstan xalqının seçkilərdə Avropaya qayıtmaq üçün sakit, lakin sarsılmaz iradəsini ifadə etdiyini gördükdən sonra lazım olan hər şey dərhal həyata keçiriləcək”.
“Sizə demək istəyirəm ki, bu, tərəfdaşlarımızın bizim yanımızda olduğuna dərin inamımın ikinci səbəbidir. Bunu Brüsseldən, Avropa İttifaqı Şurasından eşitdiyimiz son bəyanatlar da təsdiqləyir, həm də bu gün mən Avropa İttifaqının səfiri ilə görüşdüm və o, mənə təkcə bu yolu, bu nizamnaməni və dövlət siyasətini dəstəklədiyini yox, həm də təkrar edərək bildirdi ki, onlar Gürcüstan xalqının seçkilərdə özünü ifadə etdiyini görəndə bizi yolumuza qaytarmaq üçün lazım olan hər şeyi dərhal həyata keçirəcək. Hətta bu gün dondurulmuş yardımı belə çox tez bərpa etmək imkanını da vurğuladı”, – deyə Salome Zurabişvili Orbeliani sarayında brifinq zamanı bildirib.
