Parlamentin ətraf mühitin mühafizəsi komitəsinin sədri Maya Bitadze bildirib ki, prezident hər gün konstitusiyanı pozur, ona görə də impiçment proseduruna başlamaq düzgündür.
Bitadzenin sözlərinə görə, Salome Zurabişvili ilə bağlı hüquqi prosedura başlanmalıdır.
“Əminəm ki, bu qərar hüquqi cəhətdən təsdiqlənəcək. Onun tərəfindən qanunun və konstitusiyanın pozulması radikal seçkiqabağı kampaniyada iştirakından başlayaraq ölkə üçün təxribat xarakterli fəaliyyətlə bitir. Salome Zurabişvili “Gürcü arzusu”nun dəstəyi ilə seçkilərdə qalib gəlib və seçicilərlə şəffaf olmaq üçün hüquqi prosedura başlanmalıdır. Salome Zurabişvilinin həm ölkə daxilində, həm də xaricdə bu ölkənin suverenliyinin möhkəmləndirilməsi uğrunda mübarizə aparmaqdan başqa heç bir işi yox idi. Biz ondan bunun əksini gördük – o, assosiasiya sazişinin öhdəliklərinin yerinə yetirilməsinə köməklik göstərmək yerinə dövlət əleyhinə fəaliyyət göstərən digər ölkələrin və ya radikal müxalifətin birbaşa nümayəndəsidir. İndi biz bütün bunların pik nöqtəsini görürük. Salome Zurabişvili bu dövləti sarsıdacaq prezident olaraq qalacaq”, – deyə Maya Bitadze bildirib.
Qeyd edək ki, Parlament çoxluğu Salome Zurabişviliyə qarşı impiçment prosedurunun yenidən başlanmasına qərar verib.
