“Bu, bir sıra Avropalı bürokratların yaratdığı virtual dünyadır ki, bizim müstəqilliyimizlə fəxr etməyə haqqımız yoxdur”, – deyə paytaxtın meri Kaxa Kaladze Aİ səfirinin bəyanatına cavab olaraq mediaya bildirib.
Onun qeyd etdiyi kimi, heç kimin ölkənin daxili siyasətinə qarışmaq hüququ yoxdur.
“Heç kimin ölkənin daxili siyasi fəaliyyətinə və üstəlik, seçkiqabağı təşviqata qarışmaq hüququ yoxdur. Nə qədər hörmətli insan olursa olsun, hətta hər hansı bir ölkənin səfiri belə olsa, yenə də hüququ yoxdur.Bu nə Avropadır, nə də avropalılıq. İnsanları bunun doğru olduğunu düşünməyə vadar etməyin. Bu adi köləlikdir və Avropa ilə heç bir əlaqəsi yoxdur. Bu, Avropa bürokratlarının yanaşması və münasibətidir ki, bizim müstəqilliyimizlə fəxr etməyə haqqımız olmamalıdır, suverenlikdən danışmamalıyıq. Bizə bu barədə birbaşa mitinqlərdən danışırdılar.
“Mən 10 il Avropada yaşadım və Avropalılığın nə demək olduğunu, əsas prinsiplərin nə olduğunu çox yaxşı bilirəm. Avropaya inteqrasiya və avropalaşmanın məndən yaxşı tərəfdarı yoxdur. Mən də bir çox gürcülər kimi ölkənin Avropa gələcəyini istəyirəm, amma səfirin dediyi kimi yox. Bir daha vurğulamaq istəyirəm ki, bu, avropalı bürokratların yaratdığı virtual dünyadır”, – deyə Kaxa Kaladze qeyd edib.
