Dünyada ən çox istifadə edilən mesajlaşma proqramı olan “Whatsapp” yeni funksiyanı təqdim etməyə hazırlaşır.
QafqazTürk Media xəbər verir ki, “Whatsapp” messenceri videozəngləri təkmilləşdirmək üçün tətbiqə yeni filtrlər və fonlar əlavə edib. Yeniliklər yaxın həftələrdə bütün istifadəçilər üçün əlçatan olacaq.
Qeyd edək ki, zəng zamanı videonun fonunu dəyişmək istəyənlər üçün “WhatsApp” proqramı onlarla virtual fon tərtib edib. Fon seçimlərinə “Blur”, həmçinin ofis, gün batımı, meşə və hətta bayram mövzuları kimi virtual mühitlər daxildir. Fərdi və ya qrup videozəngi zamanı yeni fonlar və filtrlər tətbiq etmək üçün ekranın yuxarı sağ küncündəki effekt işarəsinə klikləmək kifayətdir.
Bundan əlavə, “Whatsapp”da artıq digər sosial şəbəkələrdə olduğu kimi (İnstagram, Facebook) statusları bəyənmək də mümkün olacaq.
