Another advertisement
Yəmən “Husiləri” İsrailin mərkəzi hissəsinə pilotsuz təyyarə hücumuna görə məsuliyyəti öz üzərinə götürüb.
Onların sözlərinə görə, bir neçə pilotsuz təyyarə ilə Təl-Əvivdə “həyati vacib hədəfi” uğurla vurublar.
Bundan əvvəl İsrail Müdafiə Qüvvələri bildirib ki, İsrail Hərbi Hava Qüvvələri mərkəzi İsrailin sahillərində dəniz üzərində pilotsuz uçan aparatı vurub. Qısa müddətdən sonra biri vurulan, digəri isə açıq əraziyə enən daha iki pilotsuz təyyarə tapılıb. Pilotsuz təyyarələrin hücumu ilə əlaqədar Bat-İam şəhərində hava hücumu xəbərdarlığı elan edilib.
Qeyd edək ki, hücum nəticəsində dağıntı və tələfat olmayıb. İsrail Müdafiə Qüvvələri pilotsuz təyyarələrin mənşəyini hələ də araşdırdıqlarını bildirib.
