მარნეულის მუნიციპალიტეტის საკრებულომ ამირან გიორგაძის ხელმძღვანელობით მორიგი სხდომა გამართა

სხდომის დაწყებამდე საკრებულოს წევრებმა კიდევ ერთხელ გაიხსენეს სოხუმის დაცემის დღე და წუთიერი დუმილით პატივი მიაგეს აფხაზეთის ომში დაღუპულთა ხსოვნას.

საკრებულოს სხდომაზე დღის წესრიგით განსახილველად 7 საკითხი იყო წარმოდგენილი.

დეპუტატებმა შვიდივე საკითხის განხილვას, მათ შორის, მარნეულის მუნიციპალიტეტის მოქალაქეთა მონაწილეობის 2024-2025 წლების სამოქმედო გეგმის დამტკიცებას, მარნეულის მუნიციპალიტეტის ბიუჯეტში შესატან ცვლილებებს და მოქალაქეთა დახმარების საკითხს სოციალური მიმართულებით კენჭი დადებითად უყარეს.

2024 წლის 27 სექტემბრის სხდომას, საკრებულოს თავმჯდომარის პირველი მოადგილე, ტარიელ მამედოვი, მოადგილეები: რიჩარდ გიგანი და როვშან ისკანდაროვი, მერის პირველი მოადგილე როინ დეკანოიძე, საკრებულოსა და მერიის სტრუქტურული ერთეულების ხელმძღვანელი პირები, აპარატის თანამშრომლები და მედიის წარმომადგენლები ესწრებოდნენ.