Gün ərzində orta hesabla 3500-4000 torpaq sahəsi ölçülür və qeydiyyata alınır.
Qafqatürk Media xəbər verir ki, bu barədə Dövlət Reyestrinin Milli Agentliyi məlumat yayıb.
Hesabata görə, hazırda sistemli torpaq uçotu islahatı çərçivəsində 1 milyon 250 mindən çox torpaq sahəsi ölçülüb.
“Torpaqların sistemli qeydiyyatı Gürcüstanın bütün ərazisində, ölkənin 59 bələdiyyəsində aparılır. İslahat çərçivəsində ölkə üzrə 42 bələdiyyədə tədqiqat işləri başa çatdırılıb.
2022-ci ildən indiyədək 1 milyon 250 mindən çox torpaq sahəsi ölçülmüşdür. 850 mindən çox torpaq sahəsində mülkiyyət hüququ qeydə alınıb.
Layihədən istifadə bütün vətəndaşlar üçün həm torpağın ölçülməsi, həm də qeydiyyatı prosesi tamamilə pulsuzdur”, – reyestr tərəfindən yayılan məlumatda deyilir.
Xatırladaq ki, Gürcüstanda torpaqların sistemli qeydiyyatı islahatı 2022-ci il yanvarın 1-dən başlayıb. İslahatın başa çatdırılması üçün son tarix 2025-ci il yanvarın 1-i müəyyən edilib.
