Azərbaycan Respublikasının Gürcüstandakı Səfirliyinin dəstəyi ilə, Ulu Öndər Heydər Əliyevin 100 illik yubiley tədbirləri çərçivəsində, Kvemo Kartli bölgəsindəki Azərbaycandilli məktəblərdə maarifləndirici tədbirlər davam etməkdədir.
Cari il 6 may tarixində Səfirlik əməkdaşları Marneuli bələdiyyəsinin Dəmiye Görarxı ictimai məktəbində olublar.
Məktəbin müəllim və şagirdləri ilə baş tutan görüşdə, Azərbaycan Xalqının Ümummilli Lideri Heydər Əliyevin həyatı və fəaliyyəti, uşaqlara olan sevgisi və qayğısı barədə ətraflı məlumat verilib. Məktəblilər Ulu Öndər Heydər Əliyevlə bağlı şeirlər səsləndiriblər.
Nəzərinizə çatdıraq ki, açıq dərsin təşkilatçısı həmin məktəbin müəlliməsi, Xanım İbrahimova idi.
Qeyd edək ki, sözü gedən açıq dərslər Gürcüstanın paytaxtı Tbilisi şəhərində, eləcə də Marneuli və Qardabani bələdiyyəsinin məktəblərində də baş tutub.
