Məcburi Köçkünlər, Əmək, Səhiyyə və Əhalinin Sosial Müdafiəsi Nazirliyi yay aylarında uşaqları həddindən artıq istidən qorumaq üçün tövsiyələr verir.
Qafqaztürk.com xəbər verir ki, tövsiyələrdə qeyd edilir ki, yay mövsümündə güclü istilər uşaqlarda müxtəlif formalarda xəstəliklərin yaranmasına səbəb ola bilər.
Bundan əlavə, Nazirliyin qeyd etdiyinə görə, güclü istilik susuzluğa bədənin tükənməsinə, konvulsiv hadisələrə, qan dövranının pozulmasına səbəb ola bilər.
“Uşaqları mümkün qədər həddindən artıq istidən qoruyun, müşahidə edin və şübhəli əlamətlər görünən kimi həkimə müraciət edin. Güclü istilik susuzluğa, bədənin tükənməsinə, konvulsiv hadisələrə, qan dövranının pozulmasına səbəb ola bilər.
Uşaqlarda: zəiflik, şiddətli yorğunluq, baş ağrısı, qızdırma, ürək döyüntüsü, qusma, uyuşma, davranış dəyişiklikləri (yuxululuq, pis əhval-ruhiyyə), adi haldan daha sürətli və daha dərin nəfəs alma-vermə müşahidə edilərsə dərhal həkimə müraciət etmək lazımdır.
Yüksək isti hava durumu zamanı bu əlamətlərdən hər hansı birini görsəniz uşağı sərin yerə apararaq ona çoxlu maye vermək tövsiyyə olunur.
Tənəffüs çətinliyi (astma), ürək-damar və böyrək xəstəlikləri, ishal, zehni və fiziki imkanları məhdud olan uşaqlar ən yüksək risk altındadır.
Uşağın psixi sağlamlığını unutmayın. Evdə qapalı qalmaq uşaqları əsəbi və narahat edə bilər. Odur ki, evdə televizor qarşısında keçirdikləri vaxtı məhdudlaşdıracaq əyləncəli fəaliyyətlər və oyunlar planlaşdırın.
Körpə özünü şən hiss edənə qədər sərin suda saxlayın.
Əgər ventilyatordan istifadə edirsinizsə, onu uşaqdan təhlükəsiz məsafədə yerləşdirin və otaqda hava axınının istiqamətinə nəzarət edin.
Günün sərin saatlarında çölə çıxmağı planlaşdırın.
Heç vaxt uşağı park edilmiş avtomobildə və ya birbaşa günəş işığı altında qoymayın. Hətta avtomobilin içərisindəki aşağı temperatur anidən sürətlə yüksələ bilər. Açıq pəncərə olsa belə, 10 dəqiqə ərzində temperatur 6 dərəcə qalxa bilər.
Əgər günəş işığından qorunmaq mümkün deyilsə, tərkibində ultrabənövşəyi şüa filtri olan günəşdən qoruyucu kremdən istifadə edin və krem istehsalçısının göstərişlərinə əməl edin”,- Səhiyyə Nazirliyi qeyd edir.
