“Terrorçular ancaq cavab terrorunu başa düşürlər. Əgər gücə güclə, ölümlərə terrorçuların total edam edilməsi və onların ailələrinə qarşı repressiyalarla cavab verilməzsə, heç bir məhkəmə və ya istintaq kömək etməyəcək. Dünya təcrübəsidir“.
QafqazTürk.com xəbər verir ki, bunu Rusiya Təhlükəsizlik Şurasının sədr müavini Dmitri Medvedyev deyib.
“Əgər onların Kiyev rejiminin terrorçuları olduğu müəyyən edilərsə, ideoloji ilhamvericiləri ilə başqa cür məşğul olmaq mümkün deyil. Onların hamısı terrorçu kimi tapılmalı və amansızcasına məhv edilməlidir. O cümlədən bu cür vəhşiliyə yol verən dövlət məmurları. Ölümə ölümlə!”, – deyə Medvedyev bildirib.
Qeyd edək ki, Moskvada yerləşən “Krokus Siti Holl” kompleksində baş vermiş terror aktı nəticəsində qeyri-rəsmi məlumata görə, 130 nəfər ölüb, yüzlərlə insan yaralanıb.
