Another advertisement
Bu gün, fevralın 19-u gününün ikinci yarısınadək Qərbi Gürcüstanda yağış, bəzi ərazilərdə intensiv olacağı, yüksək dağlıq ərazilərdə duman gözlənilir.
QafqazTürk.com xəbər verir ki, bu barədə Milli Ətraf Mühit Agentliyi məlumat yayıb.
Məlumata əsasən, dağlıq rayonlarda havanın yüksək temperaturu nəticəsində qarın intensiv əriməsi və gözlənilən leysan yağışları ilə əlaqədar Qərbi Gürcüstan çaylarında suyun əhəmiyyətli dərəcədə artması, kiçik çaylarda daşqınlar, dağlıq ərazilərdə sürüşmələrin baş verməsi ehtimalı var.
Şərqi Gürcüstan bəzi ərazilərində isə yağıntının əsasən qar şəklində olacağı gözlənilir.
