2023-cü ilin avqust ayından etibarən yığılmış pensiya sistemində iştirak edən vətəndaşlar əmanətlərinin yatırılacağı risk portfelini seçmək imkanı əldə edəcəklər. Xüsusilə, indiyə qədər yalnız aşağı riskli investisiya portfeli var idisə, indi orta və yüksək risklilər əlavə olunacaq.
QafqazTürk.com xəbər verir ki, bu barədə pensiya agentliyinin baş investisiya mütəxəssisi Qoqa Melikidze danışıb.
“Qanunda əvvəldən belə bir nüans var idi. Başlanğıcdan sonra 5 il aşağı risk olmalıdır və sonra orta və yüksək riskli portfelləri əlavə etməliyik. 6 avqust məhz bu tarixdir, ondan sonra aşağı, orta və yüksək riskli portfellərimiz olmalıdır. Bundan sonra iştirakçıların tam seçimi olacaq. Mövcud qanuna əsasən, avtomatik yenidən balanslaşdırma baş verəcək, yəni iştirakçılar öz yaş qrupuna uyğun olaraq investisiya portfellərinə ayrılacaq və sonra onlar başqa investisiya portfelini seçmək üçün tam ixtiyara (hüquqa) malik olacaqlar.
Hazırda qanun qüvvədə olduğu kimi, yaşı 40-dan aşağı olan iştirakçılar yüksək riskli portfelə, 40-50 yaş arasında olanlar orta riskli portfelə, 50-dən yuxarı olanlar isə aşağı riskli portfelə (yəni, mövcud investisiya portfelinə) düşəcəklər. İştirakçılar daha sonra ya yaş həddi əsasında ayrılmış mövcud investisiya portfelində qalmaq, ya da başqa investisiya portfelini seçmək üçün ağlabatan müddətə malik olacaqlar. Portfellər seçildikdən sonra 12 aylıq bir müddət olacaq (bu, bağlanma müddəti olacaq), bundan sonra başqa seçim edə bilərsiniz. Bu 12 aylıq bağlanma müddəti, iştirakçıları müxtəlif investisiya portfellərinə köçürmək və onların adına olan əmanətləri müvafiq portfellərə paylamaq üçün bizə lazımdır“.
