Terapevt Yelena Malışeva, eləcə də immunoloq Andrey Prodeus və kardioloq German Qandelman tənbəlliyin gözlənilməz faydaları barədə danışıblar.
QafqazTürk.com xəbər verir ki, mütəxəssislər tənbəlliyin orqanizmin stresli vəziyyətlərə qarşı qoruyucu reaksiya olduğunu bildirib:
“Orqanizm tənbəllik vəziyyətində olanda stress, təzyiq yox olur, özümüzü yaxşı hiss edirik, hipertoniya, tromboz, insult, infarkt riskləri azalır“, – deyə Prodeus bildirib.
Həkimlərin fikrincə, stress zamanı enerji ehtiyatları sərf olunur və onu bərpa etmək lazımdır: “Buna görə də, bəzi böyük hadisələrdən, böyük nailiyyətlərdən sonra insan tənbəl olmalıdır”,- deyə Malışeva əlavə edib.
Tənbəl insanlar perspektivlər və vəzifələr haqqında 14 dəfə daha çox və daha yaradıcı düşünürlər.
Həkimlər tənbəlliyin məhsuldar işdən sonra faydalı olduğunu vurğulayırlar. Əgər tənbəllik daim baş verirsə, bu, müxtəlif xəstəliklərin əlamətidir:
“Birincisi depressiyadır, insanın heç nə etməyə gücü yoxdur, ikincisi ürək çatışmazlığıdır, əgər insanın ürəyi yaxşı işləmirsə, insanın gücü də yoxdur. Üçüncüsü, adrenal çatışmazlığıdır. Tez-tez güc itkisi isə anemiyanın əlamətidir“.
