Another advertisement
ინდოეთის დედაქალაქ დელიში პარასკევს ჰაერის დაბინძურების დონემ საგანგაშო ნიშნულს მიაღწია, რაც იმას ნიშნავს, რომ დაბინძურების სეზონი, რომელიც ინდოეთისთვის ყოველწლიურ პრობლემად იქცა, დაიწყო.
დელიში ჰაერის ხარისხის ინდექსმა 500-ს მიაღწია, რაც ისტორიაში რეკორდული მაჩვენებელია და ჯანდაცვის მსოფლიო ორგანიზაციის მიერ დაშვებულ დონეს 100-ჯერ აღემატება. ამის გამო ქალაქის მასშტაბით სკოლებში სასწავლო პროცესი და სამშენებლო სამუშაოები შეწყდა.
ქალაქში ჰაერის ხარისხი ბოლო კვირის განმავლობაში განსაკუთრებულად დაეცა, რისი მიზეზიც დელის მომიჯნავე რეგიონებში ფერმერების მიერ სახნავ მიწებზე გაჩაღებული ცეცხლია, რომლის კვამლიც ძლიერ ქარს დედაქალაქისკენ გადააქვს.
