Gürcüstanın müdafiə naziri Cuanşer Burchuladze ABŞ-ın Gürcüstana yeni təyin olunmuş fövqəladə və səlahiyyətli səfiri Robin Danniqanı Müdafiə Nazirliyində qəbul edib.Nazir səfiri Gürcüstanda diplomatik fəaliyyətə başlaması münasibətilə təbrik edib və ona uğurlar arzulayıb.
Görüşün əvvəlində Gürcüstan və ABŞ arasında 30 illik strateji tərəfdaşlıq əlaqələri vurğulanıb. Beynəlxalq əməliyyatlarda çiyin-çiyinə döyüşən gürcü və amerikalı hərbçilərin təcrübəsinə diqqət yetirilib.
Tərəflər Gürcüstanın müdafiə və çəkindirmə qabiliyyətinin gücləndirilməsi təşəbbüsünün həyata keçirilməsi prosesi barədə danışıblar, bu da Amerika tərəfindən müsbət qiymətləndirilib. ABŞ-Gürcüstan çoxmillətli təlimlərinin müsbət dinamikası qeyd edilib, bu da müdafiə qüvvələrinin peşəkarlıq səviyyəsini və qarşılıqlı fəaliyyət qabiliyyətini artırır.
Söhbət zamanı ABŞ-Gürcüstan ikitərəfli əməkdaşlığının istiqamətlərinə də toxunulub.Müdafiə naziri ABŞ hökumətinə və Amerika xalqına müdafiə qüvvələrinə dəstək üçün göstərilən köməyə görə minnətdarlığını bildirib və ölkələr arasında müdafiə sahəsində tərəfdaşlığın gələcəkdə daha da möhkəmlənəcəyinə ümid etdiyini bildirib.
Məlumatı Gürcüstanın Müdafiə Nazirliyi yayır.
