Bu gündən unun idxal rüsumu artırılıb, arpa və kəpək idxalına isə rüsum qoyulub.
QafqazTürk.com xəbər verir ki, hökumət unun idxal rüsumunu 50 lari artırıb, kəpək və arpa üçün isə 100 lari məbləğində yeni rüsum tətbiq edib.
Qərar oktyabrın 2-də hökumətin iclasında elan edilib.
Hökumətin bu gündən qüvvəyə minəcək olan qərarına əsasən, idxalçı sərbəst dövriyyə prosedurunda buğda ununun hər kiloqramına görə 0,25 lari ödəməli olacaq. Bu isə o deməkdir ki, 1 ton buğda ununun idxal vergisi 250 lariyə yüksəlib. Arpa və kəpəyə gəldikdə isə 200 kq-dan artıq arpa və kəpək idxal edilərkən 1 ton üçün vergi 100 lari müəyyən ediləcək.
Hökumətin qərarına əsasən, un, arpa və kəpəyin idxalına 2024-cü il martın 1-dək vergi tətbiq edilir.
Xatırladaq ki, buğda və un istehsalçılarını təşviq etmək məqsədilə Gürcüstan hökuməti qərar qəbul edərək Rusiyadan buğda və un idxalını bərabərləşdirməli olan Rusiya ununun idxalına 200 lari vergi tətbiq edib. Lakin taxıl istehsalçılarının sözlərinə görə bu qərar vəziyyəti yaxşılaşdırmayıb. Rusiya unu hələ də ucuz qiymətə gətirilir və bu səbəbdən yerli buğdanın tədarükü mümkün deyil. Buğdaçılar deyirlər ki, dəyirmanlar eyni qərarla müəyyən olunmuş qiymətə buğda sifariş etmirlər.
