Fransa Stepanakertdə benzin partlaması nəticəsində xəsarət alanlara ilkin tibbi yardım göstərmək və Dağlıq Qarabağda məcburi köçkünlərin sosial ehtiyaclarını ödəmək üçün tibbi ləvazimatlar və 7 milyon avro yardım edəcək.
QafqazTürk.com xəbər verir ki, Fransanın Ermənistandakı səfiri Olivier Decottignies Ermənistanın əmək və sosial məsələlər naziri Narek Mkrtçyanla görüşündə humanitar böhranın aradan qaldırılmasının vacibliyinə toxunub.
Narek Mkrtçyan Dağlıq Qarabağda məcburi köçkünlərin dəstəklənməsi səylərinə toxunub və Əmək və Əhalinin Sosial Müdafiəsi Nazirliyinin atdığı addımları izah edib. O, həmçinin Fransanın çətin vəziyyətdə Ermənistana dəstəyini və lazımi yardımı göstərməsini yüksək qiymətləndirib.
Görüşün sonunda sosial müdafiə sahəsində mövcud problemlərin həlli istiqamətində fəal əməkdaşlığı davam etdirməyə hazır olduqlarını bildiriblər.
