“TBC Bank” hesablardan pul çıxarmaq komissiyasını dəyişir.
QafqazTürk.com xəbər verir ki, bununla əlaqədar istifadəçilərə mesaj göndərilib.
“Məlumat veririk ki, TBC-nin bütün filial və xidmət mərkəzlərinin kassalarında hesablardan pul çıxarılması haqqı dəyişir:
20 oktyabr 2023-cü il tarixindən etibarən fiziki şəxsin cari hesabından pul vəsaitlərinin çıxarılmasına görə komissiya – 0,6% müəyyən ediləcək;
Noyabrın 20-dən fiziki şəxsin “My Safe” hesabından pul çıxarılmasına görə komissiya – 0,6% müəyyən edilir;
Həmçinin noyabrın 20-dən fiziki şəxsin əmanət hesabından pul çıxarılmasına görə komissiya 0,6% müəyyən ediləcək.
Komissiya hesaba qoyulan məbləğin həm nağd, həm də nağdsız hesablaşma yolu ilə çıxarılmasına şamil edilir”, – deyə bankın göndərdiyi mesajda bildirilib.
Bankdan verilən məlumata görə, dəyişiklik həm lari, həm də xarici valyuta hesablarına aiddir.
