Marneuli Munisipaliteti yerli özünüidarəetməsinin qərarına əsasən, 2023-cü tədris ili ilə əlaqədar bələdiyyədə yaşayan 300-ə yaxın uşağa məktəbli çantası və tədris/dəftərxana ləvazimatı paylanıb.
QafqazTürk.com xəbər verir ki, bu barədə Marneuli meriyasının mətbuat xidməti məlumat yayıb.
Qeyd edək ki, Marneuli Munisipaliteti özünüidarəetməsi, məktəbli çantası və əşyaları sosial cəhətdən ehtiyacı olan çoxuşaqlı ailələrin məktəb yaşlı uşaqlarına, xüsusi qayğıya ehtiyacı olan və sağlamlıq imkanları məhdud şagirdlərə verib.
“Bütün şagirdləri, xüsusilə bu il məktəbin qapısını ilk dəfə açan birinci sinifləri yeni tədris ilinin başlanması münasibətilə təbrik edirəm.
Bu gün, xüsusi dəstəyə ehtiyacı olan şagirdlərə məktəb ləvazimatları və çantalar verdik.
Bütün şagirdlərə uğurlu tədris ili arzulayıram!” – deyə Marneuli şəhərinin meri Kənan Ömərov bildirib.
