Parlament üçüncü oxunuşda “Gürcüstanın İnzibati Xətalar Məcəlləsi”nə cərimə tətbiq etməyi nəzərdə tutan dəyişikliyi 78 səslə qəbul edib.
QafqazTürk.com xəbər verir ki, sözügedən dəyişiklik avtonəqliyyat vasitələrinin işlənmiş qazlarında zərərli maddələrin tərkibinin müəyyən edilmiş normadan artıq olmasına görə sanksiyaları nəzərdə tutur.
Qanunlayihəsinə əsasən, Nazirliyin nəzarət xidmətinə dörd böyük şəhərdə – Tbilisi, Batumi, Kutaisi və Rustavidə tünd rəngli tüstü buraxan avtomobilləri müvafiq avadanlıqdan istifadə etməklə yoxlamaq imkanı veriləcək.
Nəqliyyat vasitəsini idarə etmək, işlənmiş qazların tərkibindəki zərərli maddələrin tərkibinin müəyyən edilmiş normaya uyğun gəlməməsi nəqliyyat vasitəsinin sürücüsünün cərimələnməsi ilə nəticələnir. Hüquqi şəxslər üçün cəza sanksiyaları daha yüksəkdir.
