9-11 yanvar tarixlərində Gürcüstanda hava şəraitinin pisləşəcəyi gözlənilir.
QafqazTürk.com xəbər verir ki, bu barədə Milli Ekologiya Agentliui məlumat yayıb.
Məlumata əsasən həm dağlıq ərazilərdə, həm də Şərqi Gürcüstanda qar gözlənilir. Dənizdə tufan olacağı ehtimalı var. Qərbi Gürcüstan çaylarında suyun səviyyəsində əhəmiyyətli dərəcədə artım müşahidə oluna bilər, dağlıq ərazilərdə sürüşmə və sürüşmələrin aktivləşməsi gözlənilir.
Bununla yanaşı, hava şəraitinin pisləşməsi magistralların bəzi hissələrində nəqliyyatın hərəkətində məhdudiyyətlərə səbəb ola bilər.
“Yanvarın 9-11-də Gürcüstanda yağıntı, dağlıq və yüksək dağlıq ərazilərdə intensiv qar yağacağı (yanvarın 10-11-də Şərqi Gürcüstanda da qar yağacağı ehtimalı var), duman, çovğun, yolların sürüşkən olması və buz bağlaması və uçqun təhlükəsi gözlənilir. Dənizdə 3-4 bal fırtına dalğası mümkündür.
Güclü qar yağması, görüntünün zəifləməsi, çovğun, buz və uçqun təhlükəsi ilə əlaqədar magistralların müəyyən hissələrində avtomobillərin hərəkətinin məhdudlaşdırılması ehtimalı var.
Qərbdə yağıntı gözlənilir. Gpzlənilən yağıntılar Gürcüstan çaylarında suyun səviyyəsini əhəmiyyətli dərəcədə artıra, dağlıq ərazilərdə isə sürüşmə və sel sürüşmələrini aktivləşdirə bilər”, – deyə məlumatda bildirilib.
