Oktyabrın 9-da gün ərzində, oktyabrın 10-u gecə saatlarınadək Qərbi Gürcüstanın bəzi ərazilərində intensiv yağış olacağı, yüksək dağlıq ərazilərdə qar yağacağı gözlənilir.
QafqazTürk.com xəbər verir ki, bu barədə Milli Ekologiya Agentliyi məlumat yayıb.
Agentliyin məlumatına görə, oktyabrın 9-dan 10-u gününün ikinci yarısınadək Gürcüstanın bütün ərazisində güclü qərb küləyinin əsəcəyi gözlənilir. Dənizdə 4-5 ballıq fırtına dalğası ehtimalı var.
“Gözlənilən intensiv yağışlar Qərbi Gürcüstan çaylarında suyun səviyyəsinin əhəmiyyətli dərəcədə artmasına, dağlıq və təpəlik ərazilərdə sürüşmə-daşqın proseslərinin başlanmasına və aktivləşməsinə səbəb ola bilər”, – deyə məlumatda bildirilib.
