4 Oktyabr mitinqinin təşkilatçıları həbs cəzasına məhkum edilib.
QafqazTürk Media mərkəzi mətbuata istinadən qeyd edir ki, hakim Lela Maridaşvili prokurorun vəsatətini təmin edərək, oktyabrın 4-də keçirilən mitinqin təşkilatçılarını — Paata Burçuladze, İrakli Nadiradze, Murtaz Zodelava, Paata Mancqaladze və Laşa Beridzeni həbs cəzasına məhkum edib.
Prokurorluq onlara qarşı ittihamları oktyabrın 6-da təqdim edib. Burçuladze, Zodelava və Nadiradze qrup şəklində strateji və xüsusi əhəmiyyət kəsb edən obyektin qarşısını almağa cəhd, qrup zorakılığı təşkil etmək və konstitusiya quruluşunun dəyişdirilməsinə çağırışda ittiham olunurlar.
Paata Mancqaladze qrup zorakılığının təşkilində, Laşa Beridze isə qrup şəklində strateji və xüsusi əhəmiyyət kəsb edən obyektin qarşısını almağa cəhd və qrup zorakılığının təşkilində ittiham olunur.
