Salome Zurabişvili dekabrın 29-da vəzifəsini tərk etməli olacaq. Görək o, həyatını harda, dəmir barmaqlıqlar arxasında, yoxsa kənarda davam etdirəcək – məncə, onun Cinayət Məcəlləsinin normalarını pozmamaq müdrikliyi var.
QafqazTürk Media xəbər verir ki, bu barədə baş nazir İrakli Kobaxidze Gürcüstan prezidenti Salome Zurabişvili haqqında danışarkən deyib.
Baş nazirin izah etdiyinə əsasən, Salome Zurabişvili bu 1 həftə ərzində heç nə edə bilməyəcək.
“Zurabişvilinin vəzifə müddətinin dolmasına 1 həftə belə qalmayıb. Bu 1 həftə ərzində heç nə etmək olmaz. Bəzi avropalı siyasətçilər və rəsmilər dekabrın 29-na kimi çox şeylərin ola biləcəyini deyirlər, amma sizi əmin edirəm ki, çox şey olmayacaq. Gürcüstanda radikal müxalifət qalib gələ bilməz.”, – deyə baş nazir bildirib.
Bundan əlavə, o izah edib ki, heç kim 72 yaşlı qadını həbsxanaya göndərmək istəməz, lakin o, iqamətgahda ilişib qalarsa, belə bir ssenaridə onun yanında olacaq bütün insanlar da onunla birlikdə qurban olacaqlar.
“Nəzəri olaraq, gəlin Melianın həbsi zamanı yaranan eyni ssenarini təsəvvür edək.
Təsəvvür edək ki, o, prezidentin iqamətgahında dayanıb, bu hal Cinayət Məcəlləsinə görə cinayət sayılır. Heç kim 72 yaşlı qadının həbsxanaya getməsinə icazə vermək istəməz, amma Salome bunu etməklə, belə bir ssenaridə yanında olacaq bütün insanları məhv etmiş olar.
