26 dekabr günün ikinci yarısına kimi Gürcüstan ərazisində çətin meteoroloji şərait davam edəcək.
QafqazTürk.com xəbər verir ki, bu barədə Milli Ekologiya Agentliyi məlumat yayıb.
Məlumata əsasən, güclü qar, güclü külək, duman, çovğun, magistral yollarda sürüşkənlik, elektrik verilişi xətlərində donma, yüksək dağlıq rayonlarda isə uçqun təhlükəsi, dənizdə 6 bala qədər güclü tufan gözlənilir.
“Güclü qar, buz, görmə məsafəsinin zəifləməsi, çovğun və uçqun təhlükəsi ilə əlaqədar magistralların bəzi hissələrində nəqliyyatın hərəkəti məhdudlaşdırıla bilər. Gözlənilən güclü yağıntılar dağlıq ərazilərdə sürüşmələrə və sürüşmələrin aktivləşməsinə səbəb ola bilər”, – deyə məlumatda bildirilib.
