Dünyada misli görünməmiş istilər hökm sürür – iyul ayında bir çox temperatur rekordları qırılıb və bu il tarixdə ən isti ola bilər.
QafqazTürk.com xəbər verir ki,NASA-nın Goddard Kosmik Tədqiqatlar Mərkəzinin direktoru Gavin Schmidt iyulun 20-də jurnalistlərə deyib: “Bu iyul, ehtimal ki, yüzlərlə, hətta minlərlə il ərzində Yer kürəsində ən isti ay olacaq”.
Şmidtin sözlərinə görə, uzun müddət davam edən istilik dalğası 2023-cü ilin rekord isti il olacağı ehtimalını artırır, lakin gələn il daha da isti ola bilər, çünki adətən qlobal temperaturun artmasına səbəb olan El Nino temperatur fenomeninin bu ilin sonunda pik həddə çatacağı gözlənilir.
Şmidtin sözlərinə görə, 2014-cü ildən 2016-cı ilə qədər baş verən sonuncu El Nino həmin illərdə davamlı olaraq dünya temperatur rekordlarının qırılmasına səbəb olub və 2016-cı il Yer kürəsinin ən isti ili olub.
