იმ შემთხვევაში თუ პირდაპირი უცხოური ინვესტიციების განაწილებას კომპონენტების მიხედვით დავაკვირდებით, სააქციო კაპიტალის მოცულობამ 1,173.1 მლრდ აშშ დოლარი შეადგინა, რაც 2022 წლის მაჩვენებელს 68.3%-ით აღემატება, ხოლო რეინვესტიციამ 1,279 მლრდ აშშ დოლარი შეადგინა, რაც წინა წლის მაჩვენებელზე 7.2%-ით ნაკლებია. სავალო ვალდებულებები კი 857.5 მლნ აშშ დოლარით შემცირდა.
საქსტატის მონაცემებითვე 2023 წელს საქართველოში განხორციელებული პირდაპირი უცხოური ინვესტიციების მიხედვით უმსხვილეს ინვესტორ ქვეყნად კვლავ გაერთიანებული სამეფო რჩება 24.6%-ით, საიდანაც 2022 წელს განხორციელებულმა ინვესტიციებმა 392 მლნ აშშ დოლარი შეადგინა, შემდეგ მოდის ნიდერლანდები 360.5 მლნ აშშ დოლარით (22.6%-ით), მესამე ადგილს თურქეთი იკავებს 168.8 მლნ დოლარით(10.6).
რაც შეეხება ეკონომიკის სექტორებს, სამი უმსხვილესი სექტორის წილმა 2023 წელს 66.5% შეადგინა. ყველაზე დიდი მოცულობის პირდაპირი უცხოური ინვესტიცია საფინანსო და სადაზღვევო საქმიანობების სექტორში განხორციელდა და 630.1 მლნ აშშ დოლარი შეადგინა, რაც მთლიანი პირდაპირი უცხოური ინვესტიციების 39.5%. მეორე ადგილზე იმყოფება დამამუშავებელი მრეწველობის სექტორი 291.7 მლნ აშშ დოლარით (18.3%), ხოლო მესამეზე – ტრანსპორტის სექტორი 138.2 მლნ აშშ დოლარით (8.7 %) – აღნიშნულია საქსტატის ინფორმაციაში.
