“Oktyabrın 2-də gecə saatlarında Şərqi Gürcüstanın şərq rayonlarında, gündüz Gürcüstanın əksər rayonlarında şimşək çaxacağı, bəzi yerlərdə intensiv olacağı, dolu düşəcəyi, güclü külək əsəcəyi gözlənilir”.
QafqazTürk.com xəbər verir ki, bu barədə Milli Ekologiya Agentliyi məlumat yayıb.
Oktyabrın 3-də Qərbi Gürcüstanda və Şərqi Gürcüstanın qərb rayonlarında yağışın davam edəcəyi, bəzi yerlərdə intensiv olacağı, Qara dənizin sahilyanı rayonlarında və Kolxeti düzənliyində çox güclü olacağı gözlənilir. Dənizdə 3-4 ballıq dalğa ehtimalı var.
Gözlənilən güclü yağışların Gürcüstan çaylarında suyun səviyyəsini əhəmiyyətli dərəcədə artıracağı, kiçik çaylarda daşqınlara səbəb olacağı, dağlıq ərazilərdə sürüşmə-daşqın proseslərini aktivləşdirə biləcəyi mümkündür”, – deyə məlumatda bildirilib.
