Bu ilin iyul ayının məlumatına görə, Gürcüstanda ümumilikdə 18 yaşına çatmamış 181 352 nəfər sosial müavinət alır.
QafqazTürk.com xəbər verir ki, Sosial Xidmətlər Agentliyinin məlumatına görə, yaşayış üçün müavinət alan ən çox 46 402 nəfərlə Tbilisidə qeydə alınıb, 18 yaşa qədər sosial müavinət alanların 30 274 nəfəri Kvemo Kartlidəndir, sosial yardıma ehtiyacı olan yetkinlik yaşına çatmayanların sayında isə üçüncü yeri İmereti tutur. Burada 19 930 nəfər sosial müavinət alır.
Yaşayış üçün müavinət alan 18 yaşına çatmamış şəxslərin ən az sayı Raça-Leçxum Kvemo Svanetidə qeydə alınıb, onların ümumi sayı 1243 nəfərdir.
Burada qeyd edək ki, 6 yaşa qədər 48 548 uşaq sosial müavinət alır. Onların əksəriyyəti Tbilisidə 11616 nəfər , Kvemo Kartlidə 8130 qeydiyyatdadır, İmeretidə isə 5393 uşaq sosial müavinət alır.
