15 dekabradək Gürcüstanda yağışlı hava şəraiti davam edəcək, dekabrın 15-də isə hava şəraiti dəyişəcək.
QafqazTürk.com xəbər verir ki, bu barədə Milli Ekologiya Agentliyi məlumat yayıb.
Məlumata əsasən, Qərbi Gürcüstan düzənliyində havanın maksimal temperaturu gündüz +22 dərəcəyədək yüksələcək, Şərqi Gürcüstanda isə nisbətən soyuq hava şəraiti olacaq.
Dekabrın 12-13-də Tbilisidə yağış, duman, 14-15-də isə yağmursuz hava şəraiti gözlənilir. Hava temperaturu gündüz +10, +12 dərəcə təşkil edəcək.
Sahil rayonlarında (Batumi, Kobuleti, Anaklia, Poti): dekabrın 15-dək arabir yağış yağacaq. Dekabrın 15-də hava açıq və isti olacaq.
Qərbi Gürcüstanın düzənlik rayonlarında (Kutaisi, Zestafon, Zuqdidi, Martvili, Ozurqeti): dekabrın 15-dək arabir yağış yağacaq. Dekabrın 15-də hava açıq və isti olacaq.
Qərbi Gürcüstanın dağlıq rayonlarında (Ambrolauri, Oni, Çageri, Şovi, Çiatura, Saçxere, Xulo): dekabrın 15-dək arabir yağış yağacaq. Dekabrın 15-də hava açıq və isti olacaq.
Qərbi Gürcüstanın dağlıq rayonlarında (Mestia, Baxmaro): dekabrın 15-dək qar yağacağı, dekabrın 15-də isə hava şəraitinin dəyişəcəyi gözlənilir.
Kartlidə (Rustavi, Bolnisi, Marneuli, Qardabani, Qori, Çxinvali): dekabrın 15-dək yağışlı hava olacaq. Hava temperaturu gündüz +10, +12 dərəcə təşkil edəcək.
Kaxetiyada (Saqareco, Telavi, Qurcaani, Siqnaqi, Laqodexi, Kvareli, Axmeta, Dedopliscğaro): dekabrın 15-dək yağış yağacağı gözlənilir. Hava temperaturu gündüz 9-11 dərəcə isti təşkil edəcək.
Şərqi Gürcüstanın dağlıq rayonlarında (Axalçixe, Borjomi, Duşeti, Tianeti, Pasanauri, Dedopliscğaro): dekabrın 15-dək yağıntı gözlənilir. Hava temperaturu gündüz +8, +10 dərəcə təşkil edəcək.
Şərqi Gürcüstanın dağlıq rayonlarında (Axalkalaki, Calka, Bakuriani, Qudauri, Omalo): dekabrın 15-dək qar, duman və çovğun gözlənilir. Hava temperaturu gündüz +4, +6 dərəcə təşkil edəcək”, – deyə məlumatda bildirilib.
