Gürcüstan Prokurorluğu Saqareco rayonunun Ləmbəli kəndində 14 yaşlı Aytac Şəhmirovanın qətlində təqsirləndirilən şəxsləri azyaşlıya qarşı təcavüzdə ittiham edib.
“Daxili İşlər Nazirliyi tərəfindən aparılan istintaq tədbirləri nəticəsində müəyyən edilib ki, təqsirləndirilən şəxs 2023-cü ilin yayında 14 yaşlı yetkinlik yaşına çatmayan uşağı zorla nikaha salmaq məqsədi ilə onu qanunsuz olaraq azadlıqdan məhrum edərək Saqareco rayonunun Ləmbəli kəndinə gətirib. Buna baxmayaraq, azyaşlı onların əlindən qaça bilib. Lakin ailə üzvləri onu geri gətiriblər.
İttiham tərəfi cinayət işini əsaslı şəkildə baxılması üçün Telavi Rayon Məhkəməsinə göndərib.
14 yaşlı azyaşlının qəsdən öldürülməsi işində azyaşlının anası və əmisi zorla ərə vermək və cinayət barədə xəbər verməməkdə, qətli törətməkdə ittiham olunub.
