14-15 იანვარს ღამის საათებში გაძლიერდება ყინვა.
გარემოს ეროვნული სააგენტოს მიერ გავრცელებულ ინფორმაციაზე დაყრდნნობით, QafqazTürk.com იუწყება, რომ: „14 იანვრის დღის მეორე ნახევრამდე საქართველოში მოსალოდნელია დროგამოშვებით ნალექი, უმეტესად თოვლის სახით, ზოგან ძლიერი, ქარბუქი, გზებზე ლიპყინული, შესაძლებელია მოიყინოს ელექტროგადამცემი ხაზები.
დასავლეთ საქართველოს დაბლობ რაიონებში ჰაერის ტემპერატურის -3, -5 გრადუსამდე მოსალოდნელმა დაწევამ შესაძლოა ციტრუსოვანი კულტურების (განსაკუთრებით ლიმონის) დაზიანება გამოიწვიოს.
საავტომობილო გზების ცალკეულ მონაკვეთებზე შესაძლებელია შეიზღუდოს ტრანსპორტის მოძრაობა.
