ჯო ბაიდენი: კრემლის ერთერთი გადაცემის წამყვანმა თქვა – „ყოჩაღ, რესპუბლიკელებო!“, თუ რუსი პროპაგანდისტები გილოცავენ, დროა გადახედოთ, რას აკეთებთ

აშშ-ის პრეზიდენტი, ჯო ბაიდენი მოუწოდებს რესპუბლიკელებს, „გააკეთონ თავიანთი საქმე“, – ამის შესახებ აშშ-ის პრეზიდენტი საკუთარ „ტვიტერზე“ წერს.

აშშ-ის პრეზიდენტმა, ჯო ბაიდენმა მოუწოდა რესპუბლიკელებს, დაამტკიცონ დახმარება უკრაინისა და ისრაელისთვის სადღესასწაულო დასვენებამდე.

„პუტინის ერთგული ადამიანები მოსკოვში ზეიმობდნენ, როცა რესპუბლიკელებმა ხმა მისცეს უკრაინის დახმარების დაბლოკვას გასულ კვირას. კრემლის ერთ-ერთი გადაცემის წამყვანმა სიტყვასიტყვით თქვა: „ყოჩაღ, რესპუბლიკელებო!“ თუ რუსი პროპაგანდისტები გილოცავენ, შეიძლება, დროა გადახედოთ, რას აკეთებთ”,- წერს ჯო ბაიდენი.