Another advertisement
მერიაში მოქმედი „მარნეულის მუნიციპალიტეტის სტიქიის და ხანძრის შედეგად წარმოქმნილი ზარალის დამდგენი სამუშაო ჯგუფის“ წევრები, შემოსული შეტყობინებების საფუძველზე, ადგილზე ეცნობიან 19 ივნისის ძლიერი წვიმის შედეგებს.
მობილიზებილია სპეციალური სამაშველო სამსახურები და მოსახლეობასთან მუდმივ კონტაქტზე იმყოფებიან ადგილობრივი თვითმმართველობის წარმომადგენლები.
შექმნილ მდგომარეობას ჯგუფის ხელმძღვანელი, მარნეულის მუნიციპალიტეტის მერის პირველი მოადგილე – როინ დეკანოიძე და საკრებულოს თავმჯდომარე ამირან გიორგაძე ადგილზე გაეცნენ.
მუნიციპალიტეტის მასშტაბით 24 საათიან რეჟიმში მიმდინარეობს უხვი ნალექით გამოწვეული შედეგების მოკვლევა და ლიკვიდაცია.
