საქართველოს ძიუდოისტთა ნაკრებმა სლოვენიაში მიმდინარე ევროპის ახალგაზრდულ ოლიმპიურ ფესტივალზე კიდევ ერთი ოქროს მედალი მოიგო. ტურნირის მეორე დღეს ტატამიზე ორი ქართველი გავიდა: თორნიკე გიგაური (-60 კგ) და მათე გველესიანი (-66 კგ).
, გიგაური ნახევარფინალში დამარცხდა და ბრინჯაოს მედლისთვის ბრძოლა აზერბაიჯანელ მაჰამად მუსაიევთან დათმო. მათე გველესიანი ტურნირის ჩემპიონი გახდა. მან ფინალამდე 4 მეტოქე დაამარცხა, ორს იპონით სძლია, ხოლო ორ მეტოქეს ვაზარი ორჯერ აუღო.გველესიანი ფინალში ხორვატ ლუკა კატიჩს ხვდებოდა, თუმცა მან ტრავმის გამო ვერ იასპარეზა და მათე ოქროს მედალს დაეუფლა. საქართველოს ნაკრებს სლოვენიაში მიმდინარე ოლიმპიურ ფესტივალზე უკვე 3 ოქროს მედალი აქვს. ხვალ საქართველოს ღირსებას ირაკლი ქავთარაშვილი (-73 კგ) და გიორგი ბენდელიანი (-81 კგ) დაიცავენ
