Another advertisement
გარემოს ჰიდრომეტეოროლოგიური პროგნოზების სამმართველოს უფროსი, სვეტლანა ნიორაძე, „პრაიმტაიმთან“ საუბრისას აღნიშნავს, რომ თვის ბოლომდე, საქართველოში ამინდი გაუარესდება. მაღალმთიან რეგიონებში კი ძლიერ თოვას ელოდებიან.
„ვრცელდება არქტიკული ცივი ჰაერის მასები საქართველოს ტერიტორიაზე. ძლიერ თოვას ველოდებით მთიან რეგიონებში მთელი ქვეყნის მასშტაბით. აღმოსავლეთ საქართველოში, ხვალიდან ყველგან მოთოვს, ასევე თოვლს ველოდებით დედაქალაქშიც. 24 იანვარს, შედარებით გამოიდარებს, მაგრამ ნარჩუნდება ცივი ამინდი.
25-26-ში, კი ყინვა გაძლიერდება. 27-იდან, თვის ბოლომდე ცივი და ნალექიანი ამინდები შენარჩუნდება.
ღამის საათებში, 25-26 იანვარს, შიდა ქართლში -9 გრადუსი იქნება. თბილისში და კახეთში -3 -4 გრადუსი. დღის საათებშიც ყინვა გაძლიერდება“,- გვითხრა სვეტლანა ნიორაძემ.
