Another advertisement
საქართველოს ეკონომიკაში აზერბაიჯანის პირდაპირმა ინვესტიციებმა მიმდინარე წლის პირველ ნახევარში 45,446 მლნ დოლარი შეადგინა, რაც გასული წლის ანალოგიურ პერიოდზე 2,9-ჯერ მეტია. ინფორმაციას Day.Az აზერბაიჯანის ცენტრალურ ბანკზე დაყრდნობით ავრცელებს. ბანკის ცნობით, წლევანდელი მაჩვენებელი 2,9-ჯერ ანუ 30,167 მლნ დოლარით აღემატება გასული წლის შესაბამის პერიოდს, როცა აზერბაიჯანული ინვესტიციების მოცულობა საქართველოში 15,447 მლნ დოლარს შეადგენდა. ამასთან, ცენტრალური ბანკის მონაცემებით, ამავე პერიოდში საქართველოს პირდაპირი ინვესტიციები აზერბაიჯანის ეკონომიკაში 37,2%-ით შემცირდა და 8,9 მლნ დოლარი შეადგინა.
