Another advertisement
საბერძნეთში, ხანძრებთან ბრძოლისას, სახანძრო თვითმფრინავი ჩამოვარდა.
ამის შესახებ ინფორმაციას საბერძნეთის სახანძრო სამსახურის სპიკერი იანის არტოპოიოსი ავრცელებს.თვითმფრინავი კუნძულ ევიაზე, სოფელ პლატანისტოსთან ჩამოვარდა.
არტოპოიოსის თქმით, თვითმფრინავი საბერძნეთის საჰაერო ძალებს მიეკუთვნებოდა და მისი პილოტები ხანძრებთან ბრძოლისთვის იყვნენ გაწვრთნილი.მოგვიანებით, საბერძნეთის თავდაცვის სამინისტრომ დაადასტურა, რომ ინციდენტის შედეგად 34 წლის პილოტი და 27 წლის დამხმარე პილოტი დაიღუპნენ.
საბერძნეთის თავდაცვის უწყებამ გარდაცვლილი პილოტების საპატიოდ შეიარაღებულ ძალებში სამდღიანი გლოვა გამოაცხადა.
