,,რაჭა არ იყიდება”

ორთვიანი უწყვეტი პროტესტისა და სახალხო წინააღმდეგობის შედეგად, რაჭის ტყეებზე გაცემული სპეციალური ლიცენზია ძალადაკარგულად გამოცხადდა.

გარემოს დაცვის სააგენტოს მიერ გავრცელებულ განცხადებაში ვკითხულობთ, რომ გადაწყვეტილების საფუძველი კომპანიის ,,ეიჩ ჯი კაპრა კაუკასიკა’’ მიერ სალიცენზიო ვალდებულებების შეუსრულებლობაა.

მნიშვნელოვანია აღინიშნოს, რომ მიუხედავად ადგილობრივი მოსახლეობის პროტესტისა, რაც შემდგომ საერთო სახალხო წინააღმდეგობაში გადაიზარდა, გარემოს ეროვნულ სააგენტოს და გარემოსა და სოფლის მეურნეობის სამინისტროს არ დაუყენებია ეჭვქვეშ გადაწყვეტილება, რომლის თანახმადაც გაიცა ლიცენზია უპრეცენდენტოდ დიდ, 104 712 ჰექტარ ტერიტორიაზე სამონადირეო მეურნეობის მოსაწყობად.