საგანგებო სიტუაციების მართვის სამსახურის ინფორმაციით, მაშველის საშუალო ხელფასი თვეში 1500 ლარამდეა.
ამის შესახებ დღეს შოვში ჟურნალისტებთან სამსახურის უფროსმა, თემურ მღებრიშვილმა განაცხადა.ჟურნალისტებთან მან განაცხადა, რომ დღეის მონაცემებით დაღუპულია 25 ადამიანი, 8 ადამიანის ძებნა კი ამ დრომდე მიმდინარეობს. ამასთანავე, 5 ცხედრის იდენტიფიცირებისთვის ჩატარებულია აუცილებელი პროცედურები და ელოდებიან დნმ-ს პასუხებს.
ჟურნალისტის კითხვაზე, რამდენია მაშველის საშუალო ხელფასი, მღებრიშვილი პასუხობს:
„თვეში საშუალო ხელფასი არის 1500 ლარამდე, მინიმალური არის 1400 ლარი,“.
3 აგვისტოს, რაჭაში, შოვში მეწყერი ჩამოწვა. სტიქიის ზონაში მეთერთმეტე დღეა, სამძებრო სამუშაოები მიმდინარეობს.
