კვლევებმა აჩვენა, რომ ზეითუნის ზეთს აქვს მრავალი სარგებელი გულისთვის და ზეითუნის ზეთის გამოყენება ასოცირდება ისეთი დაავადებებისგან გამოწვეული ადრეული სიკვდილიანობის დაბალ მაჩვენებელთან, როგორიცაა ალცჰაიმერი. ამას გარდა, ეს ჯანსაღი ცხიმი ასევე ხელს უწყობს ნაწლავების გამართულ ფუნქციონირებას ზეითუნის ზეთის შემადგენლობაში რამდენიმე განსხვავებული კომპონენტია, რომელიც აუმჯობესებს ზოგად ჯანმრთელობას. ესენია: ფენოლური ნაერთები – მოლეკულები, რომლებიც გვხვდება მცენარეებში. ოლეუროპინი, ჰიდროქსიტიროსოლი და ტიროსოლი არის ფენოლური ნაერთები, რომლებიც გვხვდება ზეითუნის ზეთში და ისინი წარმოადგენენ ძლიერ ანტიოქსიდანტებს, რომლებიც იცავენ უჯრედებს თავისუფალი რადიკალების მიერ გამოწვეული დაზიანებისგან.
ზეითუნის ზეთში შემავალი ყველა ჯანსაღი კომპონენტი ასევე შეიძლება სასარგებლო იყოს ნაწლავების ჯანმრთელობისთვის. ეს ეხება სპეციფიკური მიკროორგანიზმების ჯანმრთელობასა და რაოდენობას, რომელიც ცნობილია როგორც მიკრობიოტა. კვლევამ აჩვენა, რომ ზეითუნის ზეთს შეუძლია გაზარდოს ნაწლავის მიკრობიოტას მრავალფეროვნება. ჟურნალში Food & Function-ში გამოქვეყნებულმა კვლევამ აჩვენა, რომ პოლიფენოლები, რომლებიც გვხვდება ექსტრა ხელუხლებელი ზეითუნის ზეთში, შეიძლება პირდაპირ შეიწოვოს ნაწლავიდან. ამ ტიპის პოლიფენოლები ხელს უწყობენ ნაწლავში ჯანსაღი მიკრობიომის შენარჩუნებას, რაც უკავშირდება იმუნიტეტის გაუმჯობესებასა და ანთების შემცირებას.
