აშშ-ის სახელმწიფო მდივანსა და აზერბაიჯანის პრეზიდენტ ილჰამ ალიევს შორის სატელეფონო საუბარი გაიმართა.
ბლინკენმა აზერბაიჯანის პრეზიდენტთან საუბრისას დაადასტურა, რომ შეერთებული შტატები მზად არის, მხარი დაუჭიროს შემდგომ ურთიერთქმედებას ნებისმიერი გზით, რაც სასარგებლო იქნება სომხეთისთვის და აზერბაიჯანისთვის.
„სახელმწიფო მდივანმა აღნიშნა ის პროგრესი, რომელსაც სომხეთმა და აზერბაიჯანმა სამშვიდობო შეთანხმების მიმართულებით მიაღწიეს და ხაზი გაუსვა შეთანხმების დაუყოვნებლივ მიღწევის მნიშვნელობას“, – ნათქვამია სახელმწიფო დეპარტამენტის განცხადებაში.
სახელწმიფო დეპარტამენტის პრესმდივნის, მეთიუ მილერის განცხადებით, ბლინკენმა სატელეფონო საუბარში ასევე აღნიშნა ორხმრივი ურთიერთობის აღდგენაზე.
„სახელმწიფო მდივანმა კიდევ ერთხელ მოუწოდა აზერბაიჯანს, შეასრულოს საერთაშორისო ვალდებულებები ადამიანის უფლებათა დაცვის კუთხით და გაათავისუფლოს ყველა უსამართლოდ დაკავებული. მან მოუწოდა აზერბაიჯანს, ეს რაც შეიძლება სწრაფად გააკეთოს“, – ნათქვამია განცხადებაში.
