ელექტრონული კომერციის ბაზარი საქართველოში სწრაფი ტემპით იზრდება“ – „თიბისი კაპიტალი.

თიბისი კაპიტალი“ თავის ყოველკვირეულ მიმოხილვაში წერს, რომ ელექტრონული კომერციის ბაზარი საქართველოში სწრაფი ტემპით იზრდება. როგორც კვლევაშია ნაჩვენები, ტრანზაქციის საშუალო ღირებულება, ელექტრონული კომერციისთვის შემცირდა და 2023 წლის ივნისში 15 ლარი შეადგინა. აღნიშნული კლება, ძირითადად, განპირობებულია ტრანზაქციების გაზრდილი რაოდენობით და მცირე ღირებულების მქონე შესყიდვების მომატებული სიხშირით. „ელექტრონული კომერციის ბაზრის სწრაფი ზრდის მიუხედავად, ქართული კომპანიების ანალიზი უჩვენებს, რომ 2022 წელს დარეგისტრირებული კომპანიების მხოლოდ 4%-ს ჰქონდა გაყიდვები ელექტრონული კომერციის არხების დახმარებით“ – ნათქვამია კვლევაში.