Another advertisement
აშშ-ის საგარეო უწყების პრესმდივნის, მეთიუ მილერის განცხადებით, ისრაელსა და “ჰამასს” შორის დაგეგმილი დროებითი ზავი, სავარაუდოდ, იმის გამო ჩაიშალა, რომ “ჰამასმა” უარი თქვა ქალი მძევლების გათავისუფლებაზე, – ამის შესახებ BBC წერს.
მილერის თქმით, დაჯგუფებას არ სურს, ქალებმა საჯაროდ ისაუბრონ სექსუალური ძალადობის შესახებ. მისივე განცხადებით, “აშშ-ს არ აქვს მიზეზი, რომ გაუპატიურებების შესახებ ცნობებში ეჭვი შეიტანოს”.
“როგორც ჩანს, ერთ-ერთი მიზეზი, რის გამოც მათ არ სურთ ქალების გადაცემა და რატომაც ჩავარდა პაუზის [საბრძოლო მოქმედებების დროებით შეწყვეტის] შესახებ მოლაპარაკებები, არის ის, რომ არ სურთ, ამ ქალებმა შეძლონ იმაზე საუბარი, რა გადახდათ პატიმრობაში“, – ამბობს მილერი.
