საქართველოს თავდაცვის ძალების განვითარების პროგრამის ფარგლებში, ხელი მოეწერა პოლონური წარმოების საზენიტო-სარაკეტო კომპლექსის შესყიდვის შესახებ ხელშეკრულებას. თუმცა მანამდე საქართველოს თავდაცვის მინისტრის მოადგილე, გიორგი ხაინდრავა პოლონური კომპანიის – “MESKO S.A”-ს წარმომადგენლებს შეხვდა. საუბარი შეეხო საქართველოში თანამედროვე ტიპის, ნატოს სტანდარტების შეირაღების დანერგვის მნიშვნელობას, რაც ხელს შეუწყობს ქვეყნის თავდაცვისუნარიანობის გაძლიერებას. შეხვედრისას მხარეებმა ისაუბრეს თავდაცვის უწყებასა და პოლონურ კომპანიას შორის თანამშრომლობის გეგმებზე.
－
