მარნეულში 20 იანვრისა და 9 აპრილის ტრაგედიის 34 წლისთავისადმი მიძღვნილი ფოტოგამოფენა „გზა თავისუფლებისაკენ“ და ხსოვნის ღონისძიება სახელწოდებით „თუ დავივიწყეთ დაგვივიწყებენ“ გაიმართა. QafqazTürk.com იუწყება, რომ ღონისძიება “აზერბაიჯანული სახლის” ორგანიზებით გაიმართა. ღონისძიებას ესწრებოდნენ საქართველოში აზერბაიჯანის საელჩოს თანამშრომელი, საქართველოს აზერბაიჯანელთა კონგრესისა და “QafqazTurk Media”-ს თანამშრომლები, მარნეულის მერიის და მუნიციპალიტეტის საკრებულოს თანამშრომლები, თურქეთის საგანმანათლებლო სკოლების ფონდის წარმომადგენელი ალი სედათ ასლანი, ხელოვანები, რელიგიური მოღვაწეები და პოლიტიკური სახეები. ღონისძიება დაღუპულთა სულების პატივისცემის ნიშნად 1 წუთიანი დუმილით გაიხსნა, ხოლო „აზერბაიჯანული სახლის“ დირექტორმა მეჰაბბათ იმანოვმა შესავალი სიტყვა წარმოთქვა და მონაწილეებს 20 იანვრისა და 9 აპრილის ტრაგედიები გაახსენა, რის შემდეგ ისაუბრეს საზოგადო და პოლიტიკურმა მოღვაწეებმა. მათ შორის ისაუბრა GAK-ის თავმჯდომარემ ჰუსეინ იუსუბოვმა, რომელმაც ხაზი გაუსვა, რომ 20 იანვრის, 9 აპრილის და ხოჯალის გენოციდი არასოდეს უნდა წაიშალოს მეხსიერებიდან და უნდა გადაეცეს მომავალ თაობებს და ახალგაზრდებმა უნდა დაიმახსოვრონ ეს თარიღები. მან ასევე აღნიშნა, რომ 34 წლის წინ რუსი დამპყრობლების წინაშე უძლურმა ქართველმა და აზერბაიჯანელმა ხალხებმა მოძმე თურქეთის რესპუბლიკის მხარდაჭერით დღეს შეძლეს რეგულარული არმიის შექმნა. მარნეულის მუნიციპალიტეტის საკრებულოს თავმჯდომარის მოადგილემ, როვშან ისკანდაროვმა, თავის მხრივ, ხაზგასმით აღნიშნა, რომ 20 იანვარი და 9 აპრილის თარიღები ყოველთვის ახსოვს და სამუდამოდ დარჩება მის მეხსიერებაში და ქედს იხრის სამშობლოსთვის დაღუპული გმირების სულების წინაშე. მოგვიანებით სხვა ადგილობრივმა ხელოვანებმაც ისაუბრეს.
