ლონდონში ბადრი პატარკაციშვილის ქვრივის, ინა გუდავაძის £10 მილიონიანი სახლი დაიწვა. ინფორმაციას ამის შესახებ dailymail ავრცელებს.
გამოცემის ცნობით, სახლი რომლის რეკონსტრუქციაც 3 წელი გრძელდებოდა და ამაში რამდენიმე მილიონი ფუნტი დაიხარჯა, ხანძრის შედეგად სრულად განადგურდა.
ბადრი პატარკაციშვილის ქვრივი სახლში გადასვლას თავის შვილებთან 43 წლის ლიანა ჟმოტოვასა და ია პატარკაციშვილთან ერთად გეგმავდა.
ხანძარი 23 სექტემბერს გაჩნდა და მის ჩაქრობას რვა სახანძრო ბრიგადა ცდილობდა, ხანძრის გამომწვევი მიზეზი ჯერჯერობით უცნობია. ხანძრის გამომწვევ მიზეზებთან დაკავშირებით მიმდინარეობს გამოძიება.
