თბილისში ქირის ფასი 14.7%-ით შემცირდა. უფრო კონკრეტულად მიმდინარე წლის ივლისში 1 კვ.მ ბინის ქირის ფასი 9.9 დოლარი იყო, გასული წლის იმავე პერიოდში კი 11.6 დოლარი. ინფორმაციას BPN.ge „გალთ ენდ თაგარტის“ თბილისის საცხოვრებელი უძრავი ქონების მიმოხილვაზე დაყრდნობით ავრცელებს.
2024 წლის ივლისში, უბნების მიხედვით, ქირა ყველაზე ძვირი ვაკეში იყო. კერძოდ, 1 კვადრატული მეტრის ფასი 16.5 დოლარს შეადგენდა. ყველაზე იაფი კი ამავე პერიოდში ბინის ქირაობა სამგორში იყო შესაძლებელი. ამ შემთხვევაში 1 კვ.მ-ის ფასი საშუალოდ 7.5 დოლარის ფარგლებში მერყეობდა.
დედაქალაქის სხვადასხვა უბანში 1 კვ.მ-ის ქირის ფასი ივლისში ასეთი იყო:
მთაწმინდა – 14.1 დოლარი;ვაკე – 16.5 დოლარი;ჩუღურეთი – 11.2 დოლარი;საბურთალო – 12 დოლარი;კრწანისი – 10.9 დოლარი;ისანი – 10.8 დოლარი;დიდუბე – 9 დოლარი;ნაძალადევი – 8.8 დოლარი;გლდანი – 7.7 დოლარი;სამგორი – 7.5 დოლარი;დიდი დიღომი – 7.7 დოლარი;ვაშლიჯვარი – 8.3 დოლარი.
