დე-ფაქტო აფხაზურმა მხარემ საქართველოს ორი მოქალაქე, გალის რაიონის სოფელ ოტობაიაში მცხოვრები მურთაზ და რუსლან ჭითანავები, 17 აგვისტოს დააკავა. სეპარატისტულმა რეჟიმმა მათ 2-თვიანი წინასწარი პატიმრობა უკვე მიუსაჯა, და ისინი სოხუმის იზოლატორში არიან გადაყვანილები.
ძმებ ჭითანავებს საოკუპაციო რეჟიმი ოკუპირებულ ტერიტორიაზე მოქალაქეების უკანონო გზით გადაყვანას ედავება. ოკუპირებული აფხაზეთის ე.წ. “მილიცია” აცხადებს, რომ ჩხრეკის შედეგად ნაპოვნია ასაფეთქებელი მოწყობილობები და ხელყუმბარები.
ოკუპირებული აფხაზეთის მხარე იტყობინება, რომ აღნიშნულ პირებს ედავება, თითქოს ისინი საქართველოს კონტროლირებადი ტერიტორიიდან ოკუპირებული აფხაზეთის მიმართულებით და პირიქით, თანხის სანაცვლოდ გადაჰყავდათ ადამიანები, რომელთა დოკუმენტებიც არასრულფასოვანი იყო.
გადაკავების ფაქტი აჩენს დამატებით კითხვებს და გამოწვევებს რეგიონის მდგომარეობაზე, რამაც შესაძლოა რეგიონში მიმდინარე პროცესებზე გავლენა მოახდინოს.
